Macedonian Coalition
ПРОДОЛЖИ, ПАНЧЕ!
АПСИ СÈ ШТО Е КОРУМПИРАНО! МИЛОСТ – ЗА НИКОГО!
Во најтешките моменти за Кочани и за цела Македонија, кога нацијата тагуваше, Левица и нејзиниот лидер Димитар Апасиев уште еднаш докажаа дека политичкиот поен им е поважен од човечката болка. Преку нивните фан страници на Фејсбук се пласираа дезинформации за наводно „сокривање“ на бројот на жртви од трагичниот пожар. Без еден единствен доказ, со манипулации и сензационализам, тие намерно внесоа паника меѓу граѓаните и најмногу им наштетија токму на семејствата на настраданите – луѓе чии најблиски можеби биле хоспитализирани, надвор од земјата, или чекаат потврдена информација.
Да пласираш лажна бројка за жртви е не само неетички, туку и нечовечки. Тоа не е „патриотизам“ – тоа е ниска политичка пропаганда на грбот на трагедијата. Наместо да се солидаризираат и да помогнат, тие се одлучија за уште едно шоу за лајкови и споделувања. А тоа ја разјадува довербата, ја храни омразата и ги труе институциите.
Во контраст на ова, токму МВР под водство на Панче Тошковски покажа што значи вистинска одговорност и решителност. За првпат по долго време, гледаме министер кој не се плаши – ни од партии, ни од бизнисмени, ни од таканаречени „недопирливи“. Апсењата низ цела држава говорат јасно: времето на корупцијата, наштетниците и криминалците – завршува!
Панче Тошковски го враќа авторитетот на институцијата која треба да биде темелот на правдата и безбедноста. Секоја акција, секое апсење, е чекор поблиску до една држава каде законот важи за сите. Поддршката што ја добива од граѓаните не е случајна – луѓето гледаат, препознаваат и чувствуваат дека конечно има некој кој работи, а не само ветува.
И ако има нешто што е најсилен доказ дека Панче е на вистинскиот пат – тоа е фактот дека го напаѓаат токму СДС, Левица и ДУИ. Зошто? Затоа што се плаши стариот систем. Затоа што знаат дека ако продолжи со ова темпо – многумина од нив ќе завршат таму каде што одамна им е местото.
Нека се знае: во оваа борба за правда, морал и ред – поддршката за Панче Тошковски е поддршка за една нова Македонија! Македонија без недопирливи. Македонија со закон и ред. Македонија во која вистината не се фабрикува – туку се брани!
